Пад Пінскам адбылося лабавое сутыкненне легкавіка і фуры, ёсць ахвяра
Як паведамляе УУС Брэсцкага аблвыканкама, здарэнне адбылося 16 чэрвеня каля 16:50 на 420‑м кіламетры аўтамагістралі М-10 «Мяжа Расіі — Гомель — Кобрын».
У лоб сутыкнуліся легкавы аўтамабіль Volkswagen, за рулём якога знаходзіўся 41‑гадовы мужчына, і грузавы аўтамабіль MAN з паўпрычэпам, якім кіраваў 57‑гадовы кіроўца.
У выніку моцнага ўдару 41‑гадовы пасажыр легкавіка загінуў на месцы здарэння. Кіроўца гэтай машыны атрымаў траўмы і быў дастаўлены ў бальніцу.