Беларускага актывіста, якога затрымалі ў аэрапорце Ерэвана, адпусцілі
Сёння з'явілася паведамленне пра затрыманне ў аэрапорце Ерэвана беларускага актывіста Віктара Клімуса, які прыехаў у Арменію па працы.
Армянскія памежнікі паведамілі, што імя Клімуса ўнесенае ў міжнародную базу вышуку.
Праваабаронцы расказалі, што разам з Офісам Святланы Ціханоўскай працуюць над вызваленнем беларуса.
Цяпер жа Віктар напісаў у сацсетках, што пытанне вырашылася.
«Жывы. Здаровы. На волі. Дзякуй усім хто хваляваўся і падтрымліваў!» — напісаў Віктар Клімус. Іншыя акалічнасці пакуль невядомыя.