Упершыню за 23 гады на Краснай плошчы вырашылі не праводзіць святочны канцэрт да Дня Расіі
Канцэрт на Краснай плошчы ў Маскве з нагоды Дня Расіі 12 чэрвеня перанеслі ў іншае месца. Таксама скараціўся спіс артыстаў, заяўленых першапачаткова, піша MSK1.
Раней каманда Надзеі Бабкінай анансавала маштабнае свята «У адзінстве народаў — сіла Расіі», якое павінна было адбыцца на Краснай плошчы. У канцэрце былі заяўлены Shaman, Ларыса Доліна, Таццяна Куртукова, Аляксандр Буйноў і іншыя.
Паводле інфармацыі MSK1, канцэрт быў перанесены ў Культурны цэнтр «Массавет» на Прэабражэнскай плошчы.
Канцэрты, прысвечаныя Дню Расіі, ладзяцца на Краснай плошчы з 2003 года штогод. Канцэрт праводзіўся нават падчас пандэміі каранавіруса ў 2020 годзе.