У Віцебску завяршылі ўмацаванне грунту пасля абвалу каля жылога дома
Рамонтна-аднаўленчыя работы па ўмацаванні грунту на вуліцы Шрадэра ў Віцебску завершаныя. У сувязі з гэтым жыхарам дома, якіх раней часова адсялілі з меркаванняў бяспекі, дазволена вярнуцца ў свае кватэры, паведамляе прэс-служба МНС.
На ўчастку працягваюцца работы, прадугледжаныя праектам рэканструкцыі аб'екта. Раней у гэтым месцы пасля моцных ападкаў адбыўся падмыў і абвал грунту ў зоне пракладкі каналізацыйнага трубаправода.
Спецыялісты працягваюць выконваць неабходныя будаўнічыя і інжынерныя мерапрыемствы ў рамках зацверджаных праектных рашэнняў.
Чытайце таксама:
З віцебскага дома, каля якога размыла грунт, адселяць жыхароў
Палову наступнага тыдня будзе дажджыць, але пасля распагодзіцца