Лідар талібаў забараніў дзяржслужачым карыстацца смартфонам
Талібы пачалі канфіскоўваць тэлефоны ў сваіх чыноўнікаў.
Фота: Bilal Guler/Anadolu via Getty Images
Лідар руху «Талібан» Хайбатула Ахундзада выдаў новае вуснае распараджэнне, якое забараняе членам руху і дзяржаўным службоўцам карыстацца смартфонамі.
У дакуменце адзначаецца, што парушальнікі будуць лічыцца правапарушальнікамі і могуць паўстаць перад ваенным судом.
Распараджэнне было разасланае Міністэрствам юстыцыі талібаў кіраўнікам ваенных судоў, якія дзейнічаюць пад кіраваннем ваеннага падраздзялення Вярхоўнага суда руху ў васьмі зонах краіны. Пра дырэктыву таксама былі апавешчаныя кіраўнікі паліцыі і кіраўнікі разведвальных структур у гэтых рэгіёнах.
Тры дні таму асобнае распараджэнне ісламскага адукацыйнага дэпартамента Міністэрства адукацыі талібаў забараніла вучням прыносіць смартфоны ў школы і рэлігійныя навучальныя ўстановы.