Азаронак прапаў з радараў, не выйшла праграма і ў Салаўёва
Стрымы прапагандыста больш за тыдзень не выходзяць.
Скрыншот аднаго са стрымаў Азаронка
Прапагандыст Рыгор Азаронак знік з эфіраў. Звычайна ён рэгулярна праводзіць уласныя стрымы, з'яўляецца ў перадачы «Лятучка» з Людмілай Гладкай з «СБ», але больш за тыдзень яго не відаць. Апошні яго стрым быў 25 мая.
Сёння Азаронак не выйшаў у стрым на канале Салаўёва.
Сам прапагандыст не стаў тлумачыць прычыну сваёй адсутнасці.
«Праграм вы дачакаецеся, і такіх, што вы завыеце», — напісаў у адказ «НН» Азаронак.
Пазней ён дадаў у сваім канале, што быў у адпачынку, а чуткі пра тое, што ён трапіў у Навінкі, няпраўда.