Дзіўна заплямлены Гігін сфатаграфаваўся з удзельніцамі вернападданага аўтапрабегу
У сеціве з’явілася справаздача з аўтапрабегу і злёту «патрыётаў Віцебшчыны». Аднак увагу людзей у трэдсах прыцягнуў толькі здымак дырэктара Нацыянальнай бібліятэкі Беларусі Вадзіма Гігіна з дзвюма патрыёткамі.
Рэч у тым, што вядомы прапагандыст быў у шэрым гарнітуры з патрыятычнай яблыневай стужкай, але ў ніжняй частцы пінжака віднеюцца выразныя плямы.
Гэта выклікала шматлікія жарты.
Вадзім Гігін — адзін з топавых прапагандыстаў лукашэнкаўскага рэжыму. Раней ён быў тэлевядоўцам, кіраўніком таварыства «Веды», а цяпер узначальвае Нацыянальную бібліятэку.