Ва Уздзенскім раёне кіроўца наехаў на жанчыну, якая ляжала на дарозе, і ўцёк з месца здарэння
Паводле звестак ДАІ, каля 04:25 раніцы на 35‑м кіламетры трасы Р-23 «Мінск — Мікашэвічы» ў бок Слуцка на праезнай частцы знаходзілася жанчына. Паведамляецца, што яна ляжала на дарозе і магла быць у стане моцнага алкагольнага ап’янення.
Фота: УДАІ УУС Мінаблвыканкама
Па папярэдняй інфармацыі, проста па гэтай жанчыне праехаў невядомы аўтамабіль. Кіроўца пасля наезду з месца аварыі з’ехаў і не спыніўся.
64‑гадовая жанчына загінула на месцы.
Цяпер сілавікі высвятляюць усе абставіны здарэння, на месцы працуе следча-аператыўная група, вядзецца пошук кіроўцы.