Простыя букеты бэзу пры пэўных абставінах могуць стаць залатымі
У Беларусі за нарваны букет бэзу можна атрымаць штраф, калі кветкі былі сабраныя незаконна — напрыклад, у парках, лясах або на гарадскіх насаджэннях, папярэджвае Міністэрства прыродных рэсурсаў і аховы навакольнага асяроддзя.
Здымак ілюстрацыйны. Фота: «Наша Ніва»
Бэз і іншыя кусты ахоўваюцца законам «Аб раслінным свеце». Калі іх пашкодзіць або сарваць без дазволу, гэта разглядаецца як нанясенне шкоды прыродзе.
За такое парушэнне можа пагражаць штраф ад 5 да да 50 базавых велічынь (гэта ад 200 да 2000 рублёў).
Акрамя штрафу, парушальніка таксама могуць абавязаць кампенсаваць нанесеную прыродзе шкоду.
Аднак ёсць важнае выключэнне: калі чалавек сарваў бэз у сваім уласным садзе або на прыватнай тэрыторыі, гэта парушэннем не лічыцца, адпаведна і штраф не накладаецца.
Чытайце таксама:
У Нідэрландах сорт цюльпанаў назвалі «Мінск»: высокія, самавітыя
Мінчанка пакінула букеты ў гардэробе бара. Адзін з іх забралі — і падарылі іншай жанчыне