У Беларусі адмянілі яшчэ адзін фэст
Фэст «Свята Сонца» ў гэтым годзе не адбудзецца, паведамілі арганізатары ў сваім тэлеграм-канале.
Svyata-sontsa.by
Фолк-фэст «Свята сонца» рэгулярна ладзіўся ў Дудутках і быў прымеркаваны да Дня летняга сонцастаяння. Летась яго правялі 15 чэрвеня.
Летась ён пазіцыянаваўся як грандыёзнае шоу агню і піратэхнікі з удзелам фолк-рок гуртоў, правядзеннем майстар-класаў па кавальстве, ганчарстве, ткацтве, з кірмашом, а таксама з традыцыйнымі абрадамі: пляценнем вянкоў, скокамі праз вогнішча ды іншым.
Раней быў адменены рок-фестываль «Сонцастаянне» ў Пружанах, гарадскі фестываль Festiwow, фестываль Wostraw у Нясвіжы.
Чытайце таксама:
У Беларусі адзін за адным адмяняюць фестывалі. У чым прычына?