Беларус фатальна пазнаёміўся ў інтэрнэце з дзяўчынай. Ужо завязваліся адносіны — як раптам кавалер страціў $28 тысяч
Таямнічая незнаёмка давала парады па тым, як лепш укласці грошы.
Беларус атрымаў паведамленне ад незнаёмай дзяўчыны — завязалася перапіска, потым пачалася гісторыя віртуальных адносінаў. Калі давер быў заваяваны, дзяўчына прапанавала зарабіць на крыптавалюце праз нейкую платформу. Мужчына пагадзіўся.
Паводле справаздач платформы прыбытак рос, і ён укладваў усё больш. Калі вырашыў вывесці «заробленае» — сувязь абарвалася.
Агулам ён уклаў $28 тысяч.
Міліцыя нагадвае: здзяйсняць фінансавыя аперацыі трэба толькі на афіцыйных пляцоўках.