У Табарах пад Мінскам гарэў вытворчы цэх
Днём 27 красавіка ратавальнікі атрымалі паведамленне пра пажар на тэрыторыі завода ў вёсцы Табары Мінскага раёна.
Скрыншот з відэа
Калі падраздзяленні МНС прыбылі на месца, у будынку вытворчага цэха гарэў алей унутры ёмістасці. Работнікі прадпрыемства самастойна пакінулі памяшканне яшчэ да прыезду ратавальнікаў.
Пажар быў хутка ліквідаваны супрацоўнікамі МНС. Пацярпелых няма.