Кіраўнік МЗС Ірана прыляцеў у Расію
Міністр замежных спраў Ірана Абас Аракчы прыбыў у Санкт-Пецярбург, дзе, як чакаецца, яго прыме Уладзімір Пуцін, піша ТАСС.
Скрыншот відэа ТАСС
Аракчы таксама плануе сустрэцца з міністрам замежных спраў Расіі Сяргеем Лаўровым для «працягу кансультацый па рэгіянальных і міжнародных пытаннях» і «паляпшэння двухбаковых адносін».
Паводле слоў Аракчы, гэтая сустрэча стане «добрай магчымасцю абмеркаваць развіццё падзей у вайне і ацаніць бягучую сітуацыю».
Раней Іран прапанаваў ЗША адкрыць Армузскі праліў, бо дыпламатычныя высілкі зайшлі ў тупік, а на мінулых выходных быў адменены другі раўнд перамоваў ЗША і Ірана ў Ісламабадзе.