СК пацвердзіў смерць 18‑гадовага хлопца на стадыёне ў Мінску
Следчыя высвятляюць абставіны смерці студэнта на школьным стадыёне ў Мінску.
Увечары 24 красавіка малады чалавек гуляў у футбол. Раптоўна яму стала блага, і ён упаў. Супрацоўнікі хуткай дапамогі праводзілі рэанімацыйныя мерапрыемствы, аднак выратаваць хлопца не ўдалося, паведаміў СК.
Смерць маладога чалавека не мае крымінальнага характару.
Сябры кажуць, што ён вёў здаровы лад жыцця, займаўся спортам. А вучыўся на першым курсе БДЭУ.