Перад вялікімі выхаднымі мытня абяцае павялічыць інтэнсіўнасць працы
Беларускія мытныя службы напярэдадні вялікіх выхадных прынялі меры, каб паскорыць праход мяжы. Яны павялічваюць колькасць супрацоўнікаў і адкрываюць дадатковыя працоўныя месцы, каб прапускаць як мага больш людзей і транспарту, паведаміла прэс-служба Дзяржаўнага мытнага камітэта.
Зараз выехаць у краіны Еўрасаюза на легкавым транспарце можна праз шэсць пунктаў пропуску: на мяжы з Латвіяй — «Грыгароўшчына», з Літвой — «Каменны Лог» і «Беняконі», з Польшчай — «Бераставіца», «Брузгі» і «Брэст».
Найбольшая нагрузка назіраецца ў пункце пропуску «Брэст» на польскай мяжы. На працягу тыдня там расце чарга аўтамабіляў, і цяпер яна дасягнула каля 900 машын.
Чытайце таксама:
Грамадзянін Латвіі спрабаваў правезці ў Беларусь псіхатропныя таблеткі
Кіроўца аўтобуса спрабаваў увезці ў Беларусь наркотыкі пад выглядам кансерваў