У Пухавіцкім раёне чалавек загінуў, спрабуючы размінуцца з казуляй
Аварыя здарылася 15 красавіка каля 9:30 раніцы на дарозе Пухавічы — Узда — Негарэлае.
Паводле папярэдняй інфармацыі, 70‑гадовы кіроўца аўтамабіля Renault рухаўся ў бок Узды і выехаў на сустрэчную паласу пасля таго, як на дарогу выбегла дзікая жывёліна — казуля.
На сустрэчнай паласе ён сутыкнуўся з аўтамабілем Infiniti, за рулём якога быў 44‑гадовы кіроўца.
У выніку сутыкнення кіроўца Renault атрымаў цяжкія траўмы і быў дастаўлены ў бальніцу, дзе пазней памёр.