ЗША пачнуць блакаду іранскіх партоў сёння
Не будуць прапускаць ніякія судны.
Танкер у Армузскім праліве. Фота: Getty Images
Цэнтральнае камандаванне ЗША абвясціла, што блакада ўсяго марскога трафіку ў іранскія парты пачнецца 13 красавіка а 10:00 па ўсходнім часе (17:00 па Мінску).
Ніякіх выключэнняў не прадугледжана — блакаваць будуць усе судны, незалежна ад краіны, калі яны накіроўваюцца ў іранскія парты або пакідаюць іх, уключаючы парты Ірана ў Персідскім заліве і Аманскім заліве. Аднак абмяжоўваць рух суднаў, якія праходзяць праз Армузскі праліў у парты іншых краін і назад, не будуць.
Перад пачаткам блакады ўсе судны атрымаюць афіцыйнае апавяшчэнне.