У Гродзенскім драмтэатры глядач зрабіў сваёй дзяўчыне прапанову проста на сцэне
Гродзенскі абласны драматычны тэатр стаў пляцоўкай не толькі для мастацтва, але і для стварэння новай сям'і. Пасля прэм’ернага паказу спектакля «Цёткі» адзін з гледачоў зрабіў прапанову сваёй каханай.
Кульмінацыя вечара наступіла пасля фінальных паклонаў акцёраў. Малады чалавек падняўся на сцэну і перад поўнай залай звярнуўся да сваёй дзяўчыны з пяшчотнымі словамі, піша «Гродзенская праўда».
Мужчына апусціўся на адно калена і працягнуў абранніцы пярсцёнак. Збянтэжаная дзяўчына прыняла прапанову.
Гледачы, якія толькі апладзіравалі акцёрам, выбухнулі авацыямі.