Януковіч хоча правесці зімовую Алімпіяду‑2022 у Карпатах
Прэзідэнт Украіны Віктар Януковіч прапануе падаць заяўку ў Міжнародны алімпійскі камітэт на правядзенне ва Украіне зімовых Алімпійскіх гульняў 2022 года.
Пра гэта прэзідэнт заявіў на пасяджэнні рады рэгіёнаў, якое адбылося сёння ў Львове.
«Гэта нармальная ініцыятыва. У нас шмат часу ёсць. Я вам скажу, ужо шмат зроблена, але яшчэ больш трэба зрабіць. Калі мы з вамі з гэтай ініцыятывай выходзім, пачынаем працаваць над афіцыйным вылучэннем нашай краіны для правядзення зімовых Алімпійскіх гульняў у Карпатах», — сказаў Януковіч.