Лукашэнка ў размове з Коўлам памарыў аб прамым авіязлучэнні з ЗША
«Час ужо прылятаць наўпрост да нас», — сказаў ён.
Фота: БелТА
Аляксандр Лукашэнка, вітаючы ў Мінску спецпасланніка прэзідэнта ЗША Джона Коўла, намякнуў яму на адкрыццё прамога авіязлучэння паміж Беларуссю і ЗША.
«Як быццам не было доўгага падарожжа ў вас. Усе бадзёрыя. Я вельмі рады, што ў вас добры настрой і выглядаеце вы бадзёра. Гэта, Джон, бо вы, напэўна, да сяброў заляцелі спачатку, а не наўпрост у Беларусь. Час ужо прылятаць наўпрост да нас», — сказаў ён, перадае яго прэс-служба.
«Так, гэта было б вельмі добра», — адказаў Коўл.
Размовы аб прамым авіязлучэнні з ЗША вяліся да ўвядзення санкцый і кавіду. У Мінскім аэрапорце нават рабілі рэканструкцыю ўзлётна-пасадачнай паласы.