Іранскія шахеды прыляцелі ў Азербайджан — адзін упаў каля школы, другі выбухнуў на тэрыторыі аэрапорта
Пакуль вядома пра двух пацярпелых.
Адзін іранскі шахед прыляцеў у Азербайджан і ўзарваўся каля аэрапорта ў Нахічэвані. Там пачаўся пажар.
Другі ўпаў побач з будынкам школы ў вёсцы Шэкарабад. Дзяцей эвакуіравалі са школы.
Два чалавекі паранены. Таксама пашкоджаны будынак аэрапорта.
Гэта першы выпадак, калі ў іранскі канфлікт аказваецца ўцягнутым і Азербайджан. Амбасадара Ірана ў Баку выклікалі ў МЗС Азербайджана. Азербайджанскі бок заявіў, што пакідае за сабою права на адказ.