Ізраіль будзе лічыць любога новага лідара Ірана «безумоўнай мішэнню для ліквідацыі»
«Не мае значэння, як яго завуць і дзе ён хаваецца», — сказаў міністр абароны Ізраіля.
Маджтаба Хаменеі
Міністр абароны Ізраіля заявіў, што любы лідар Ірана, прызначаны «тэрарыстычным рэжымам», стане «безумоўнай цэллю для ліквідацыі».
«Не мае значэння, як яго завуць і дзе ён хаваецца. Прэм’ер-міністр і я даручылі ЦАХАЛ падрыхтавацца і задзейнічаць усе даступныя сродкі для выканання гэтай задачы», — заявіў Ісраэль Кац у X.
Учора незалежнае выданне Iran International, якое базуецца ў Вялікабрытаніі, без спасылак на крыніцы паведаміла, што сын Алі Хаменеі — 56‑гадовы Маджтаба Хаменеі — стаў новым вярхоўным лідарам Ірана.