Трамп падоўжыў яшчэ на год санкцыі супраць Расіі
Прэзідэнт ЗША Дональд Трамп падоўжыў яшчэ на год санкцыі супраць Расіі, уведзеныя ў сувязі з уварваннем ва Украіну. Адпаведнае рашэнне апублікавана ў Федэральным рэестры ЗША і падпісана 18 лютага.
Дональд Трамп. Фота: Chip Somodevilla / Getty Images
Гаворка ідзе пра абмежаванні, уведзеныя ў 2014-м, 2018‑м і 2022‑м гадах. У дакуменце адзначаецца, што дзеянні і палітыка расійскіх уладаў па-ранейшаму ўяўляюць незвычайную і надзвычайную пагрозу нацыянальнай бяспецы і знешняй палітыцы Злучаных Штатаў.
Санкцыі былі падоўжаныя нягледзячы на тое, што працягваюцца трохбаковыя перамовы па спыненні расійска-ўкраінскай вайны, у якіх Вашынгтон выступае пасярэднікам.
Чытайце таксама:
Кіраўнікі еўрапейскіх разведслужбаў не разлічваюць на спыненне вайны ў гэтым годзе — Reuters
The Economist: Крэмль прапанаваў сям'і Трампа за зняцце санкцый долі ў энергетычных актывах