Чарнагорыя ў 2026 годзе можа ўвесці візы для беларусаў
Чарнагорыя можа ўвесці візавы рэжым для грамадзян Беларусі і Расіі ўжо ў 2026 годзе. Пра гэта прадстаўнікі краіны распавялі на брыфінгу МЗС Чарнагорыі для кіраўнікоў і прадстаўнікоў дыпламатычных місій, піша партал рэспубліканскага саюза турыстычнай індустрыі.
Чарнагорыя можа ўвесці візавы рэжым для грамадзян Беларусі і Расіі ўжо ў 2026 годзе. Пра гэта прадстаўнікі краіны распавялі на брыфінгу МЗС Чарнагорыі для кіраўнікоў і прадстаўнікоў дыпламатычных місій, піша партал Рэспубліканскага саюза турыстычнай індустрыі.
Тэмай сустрэчы сталі планы краіны аб паскоранай інтэграцыі ў Еўрапейскі Саюз. Чарнагорыя плануе завяршыць перамовы пра гэта да канца 2026 года, а ўступіць у ЕС — да 2028-га.
Са слоў прадстаўнікоў МЗС Чарнагорыі, у рамках гэтага працэсу краіна плануе сінхранізаваць сваю візавую палітыку з агульнаеўрапейскай ужо да канца 2026 года. Фактычна гэта азначае, што Чарнагорыя ўвядзе візавы рэжым для грамадзян краін, якія не ўваходзяць у спіс бязвізавых для ЕС. Гэта ў тым ліку Беларусь і Расія.
Паведамляецца, што аператарам віз будзе кампанія VFS Global. Прадстаўнікі краіны ўжо вядуць перамовы з ёй аб адкрыцці візавых цэнтраў.
У пачатку лютага мы распавядалі, што пасольства Францыі ў нашай краіне змяніла працэдуру падачы заявак на атрыманне віз. А 10‑га чысла пісалі, што з 25 лютага Вялікабрытанія ўвядзе электронныя візы для замежнікаў.
Таксама заўважылі, што на старонцы пасольства Італіі ў Беларусі ў Instagram з'явілася паведамленне аб змене візавага цэнтра. З 1 ліпеня 2026 года запіс на візу будзе праходзіць у цэнтры аператара VF WorldWide.