УСУ паказалі, як цягам аднаго дня ў Крыме паразілі патрульны катар БК-16, ЗРК «Панцыр» і РЛС «Неба-У» ВІДЭА
Галоўнае ўпраўленне разведкі Мінабароны Украіны апублікавала відэа паражэння расійскага дэсантнага катара БК-16, а таксама зенітнага ракетна-гарматнага комплексу «Панцыр-С1» і радыёлакацыйнай сістэмы «Неба-У» на часова акупаванай тэрыторыі Крыма. Удары былі нанесеныя 14 лютага.
Скрыншот з відэа
У ГУР адзначылі, што гэтыя цэлі былі знішчаныя або пашкоджаныя ў межах аперацый па паслабленні супрацьпаветранай абароны і вайсковай інфраструктуры расійскіх войскаў на часова акупаванай тэрыторыі.