Рэйсавы аўтобус Гомель — Вільня трапіўся на кантрабандзе
Цыгарэты схавалі ў тэхнічных нішах пасажырскага аўтобуса.
Фота: Літоўская мытня
Кіроўцы рэйсавага аўтобуса, які прыбыў на пункт пропуску «Меднікі» (з беларускага боку — Каменны Лог»), заявілі, што не перавозяць нічога забароненага. Аднак мытнікаў збянтэжыла падазрона малая колькасць пасажыраў — усяго 7 чалавек.
Падчас дэталёвага агляду аўтобуса былі знойдзеныя кантрабандныя цыгарэты ў столі спальні кіроўцы, а таксама пад абіўкай, падлогамі і іншымі канструкцыйнымі нішамі аўтобуса.
Усяго знойдзена 2500 пачкаў цыгарэт NZ Gold на 12375 еўра. Распачатае дасудовае расследаванне.
Віленскі раённы суд вынес пастановы абодвум кіроўцам аўтобусаў: канфіскацыя дакументаў, пісьмовае абяцанне не выязджаць з Літвы і рэгістрацыя ў паліцэйскай установе.