Чарговы раўнд перамоваў па Украіне пройдзе ў Жэневе
Прэс-сакратар прэзідэнта Расіі Дзмітрый Пяскоў заявіў, што наступны раўнд трохбаковых перамоваў па заканчэнні расійскай вайны супраць Украіны адбудзецца ў Швейцарыі 17‑18 лютага.
Уладзімір Мядзінскі. Фота: Burak Kara/Getty Images
«Чарговы раўнд перамоваў па ўкраінскім урэгуляванні адбудзецца таксама ў трохбаковым расійска-амерыкана-ўкраінскім фармаце 17‑18 лютага ў Жэневе», — сказаў Пяскоў.
Ён дадаў, што расійскую дэлегацыю ўзначаліць памочнік Пуціна Уладзімір Мядзінскі.
На перамовах у Абу-Дабі расійскую дэлегацыю ўзначальваў начальнік Галоўнага ўпраўлення Генштаба Узброеных Сіл РФ Ігар Касцюкоў.