У Мінску на ўчастку праспекта Пераможцаў забяруць адну паласу руху для будаўніцтва метро
З вечара 13 лютага — і пакуль не дабудуюць.
У Мінску на адным з участкаў праспекта Пераможцаў з 22:00 13 лютага зменіцца арганізацыя дарожнага руху, паведамляе ДАІ.
Карэкціроўкі звязаны з будаўніцтвам метро і будуць дзейнічаць па праспекце Пераможцаў на ўчастку ад вуліцы Мельнікайце да праспекта Машэрава.
У прыватнасці, тут зменіцца колькасць палос для руху транспарту з трох да дзвюх у кожным кірунку.
Дзяржаўтаінспекцыя просіць удзельнікаў дарожнага руху ўлічваць гэтую інфармацыю пры выбары маршруту.