Турчыну паказалі збітыя беспілотнікі
Прэм'ер-міністр Беларусі Аляксандр Турчын сёння наведаў адзін з палігонаў Ваенна-паветраных сіл і войскаў Супрацьпаветранай абароны.
Фота: прэс-служба ўрада
Разам з прэм'ерам на палігон адправіліся міністр абароны Віктар Хрэнін і дзяржсакратар Рады бяспекі Аляксандр Вальфовіч, паведамляе прэс-служба ўрада.
Ім дэманструюць працу ўзораў узбраення па супрацьдзеянні беспілотным лятальным апаратам.
Паведамляецца, што на палігоне выстаўлены перспектыўныя распрацоўкі айчыннага і расійскага ваенна-прамысловага комплексу, а ўдзельнікі мерапрыемства агледзелі беспілотнікі, збітыя падчас практычных выпрабаванняў.