На волю выйшаў Сяргей Франчук — стрыечны брат Вадзіма Кабанчука
На волю выйшаў Сяргей Франчук — стрыечны брат прадстаўніка АПК па абароне Вадзіма Кабанчука і былога замкамандзіра Палка Каліноўскага, піша Dissidentby.
Сяргей быў затрыманы 9 жніўня 2022 года. У гэты дзень пяць чалавек з мінскага АМАПу ўварваліся ў кватэру, ударылі яго пісталетам па галаве і арыштавалі.
28 красавіка 2023 года мужчыну асудзілі на 3 гады зняволення, а ў ліпені распачалі новую справу і дадалі яшчэ паўгода зняволення.
10 студзеня 2025 года адбыўся яшчэ адзін суд па новым артыкуле, у выніку чаго да тэрміну дадалі чарговыя паўгода зняволення.
Сяргей цалкам адбыў тэрмін і выйшаў на волю 20 студзеня 2026 года. Ён ужо пакінуў Беларусь і знаходзіцца ў бяспецы.