Мексіка прыпыніла пастаўкі нафты на Кубу на фоне пагроз увядзення пошлін з боку Дональда Трампа
Мексіка прыпыніла пастаўкі нафты на Кубу на фоне пагроз увядзення пошлін з боку Дональда Трампа, аднак паабяцала і надалей накіроўваць на востраў гуманітарную дапамогу, заявіла прэзідэнт Клаўдыя Шэйнбаум, піша La Jornada.
Гавана. Фота: Sir Francis Canker / Getty Images
«Мы будзем працягваць рабіць усе неабходныя дыпламатычныя крокі, каб паспрабаваць аднавіць пастаўкі нафты», — падкрэсліла яна падчас выступлення на прэс-брыфінгу.
Шэйнбаум адхіліла пагрозы Трампа ўвесці санкцыі супраць краін, якія пастаўляюць нафту на Кубу, назваўшы іх несправядлівымі і спаслаўшыся на негатыўныя гуманітарныя наступствы.
«Нельга шкодзіць народу толькі таму, што вы не згодныя з урадам. Гэта няправільна. У іх няма паліва для бальніц ці школ. Людзі пакутуюць», — сказала прэзідэнт.