У Гомелі выявілі фальшывыя 20 фунтаў стэрлінгаў
Мужчына прыйшоў у банк, каб здаць валюту. Купюра 20 фунтаў стэрлінгаў — прыцягнула асаблівую ўвагу касіркі. Спецыялістка націснула трывожную кнопку.
Мужчына растлумачыў, што працаваў у літоўскай кампаніі і займаўся міжнароднымі перавозкамі. Заробак атрымліваў у еўра. У Вялікабрытаніі частку грошай абмяняў на фунты.
Банкноту канфіскавалі і прызначылі судовую тэхнічную экспертызу дакументаў.
На адваротным баку купюры змешчаны партрэт мастака-пейзажыста Уільяма Тэрнера
Згодна з заключэннем эксперта, купюра выраблена не банкаўскім дваром, а хутчэй за ўсё надрукаваная на прынтары, паведамляе Дзяржкамітэт судовых экспертыз.