У Азербайджане атрымалі пажыццёвыя тэрміны былы прэзідэнт і экс-спікер Нагорнага Карабаха
Усяго ў справе 15 фігурантаў, у тым ліку дзяржаўны міністр непрызнанага Нагорнага Карабаха Рубен Варданян.
Бакінскі вайсковы суд прысудзіў да пажыццёвага зняволення былога прэзідэнта непрызнанай Нагорна-Карабахскай Рэспублікі Араіка Аруцюняна, піша «Настоящее время».
Акрамя Аруцюняна, пажыццёвыя тэрміны атрымалі:
- былы камандуючы арміяй непрызнанай рэспублікі Левон Мнацаканян;
- былы намеснік камандуючага арміяй Давід Манукян;
- былы спікер парламента НКР Давід Ішханян;
- былы кіраўнік МЗС НКР Давід Бабаян.
Былых прэзідэнтаў НКР Аркадзя Гукасяна і Бако Саакяна прысудзілі да 20 гадоў пазбаўлення волі. Паводле Крымінальнага кодэкса, ім не можа быць прызначана пажыццёвае зняволенне, бо на момант вынясення прысуду мужчынам споўнілася 65 гадоў.
Абвяшчэнне прысудаў працягваецца. Усяго ў справе 15 фігурантаў, у тым ліку дзяржаўны міністр непрызнанага Нагорнага Карабаха Рубен Варданян.
Ім, у прыватнасці, інкрымінуюць падрыхтоўку і вядзенне агрэсіўнай вайны, парушэнне законаў і звычаяў вайны, генацыд, фінансаванне тэрарызму, гвалтоўны захоп улады і забойствы.