Хлопца затрымалі за стварэнне фэйкавага акаўнта міліцыі ў сацсетках
Ён перастаўляў туды паведамленні з афіцыйных акаўнтаў МУС.
Прэс-служба МУС паведаміла пра затрыманне 19‑гадовага жыхара Гомеля, які стварыў фэйкавы акаўнт беларускай міліцыі ў тыктоку. На акаўнт «Міліцыя Беларусі» падпісаліся больш за 3 тысячы чалавек.
Для напаўнення старонкі хлопец выкарыстоўваў кантэнт з афіцыйных крыніц МУС.
Малады чалавек патлумачыў, што стварыў акаўнт, каб пазней перайменаваць старонку і манетызаваць яе, а на грошы купіць аўтамабіль BMW.
Ідзе праверка.