Ініцыятыва «Будзьма беларусамі!» прызнаная «экстрэмісцкім фармаваннем»
Культурніцка-адукацыйная ініцыятыва «Будзьма беларусамі!» прызнаная «экстрэмісцкім фармаваннем». Рашэнне МУС датавана 29 студзеня.
Галоўная старонка сайта «Будзьмы»
Сёння новая пазіцыя ўнесена ў адпаведны пералік.
«Група грамадзян, якія ўваходзяць у экстрэмісцкае фарміраванне «Будзьма беларусамі!», ажыццяўляе экстрэмісцкую дзейнасць», — гаворыцца ў дакуменце.
Указана, што да ініцыятывы маюць дачыненне Алена Макоўская і Ніна Шыдлоўская.
У пералік унесены сайт budzma.org, а таксама рэсурсы ініцыятывы ў розных сацыяльных сетках і мэсэнджэрах, адрасы электроннай пошты, акаўнт у PayPal і «лагатып у выглядзе графічнага малюнка, які паказвае схематычнае адлюстраванне трох чалавечых сілуэтаў белага колеру на чырвоным фоне».