Работнікі МНС пад Мінскам выратавалі 28‑гадовага хлопца, які замярзаў у полі
Сёння раніцай на нумар 112 паступіла паведамленне пра тое, што паблізу вёскі Дзегцяроўка замярзае 28‑гадовы мужчына.
Сувязь з ім падтрымлівалі па мабільным тэлефоне. Ратавальнікі растлумачылі мужчыну, як адправіць геалакацыю са смартфона, і па атрыманых каардынатах вызначылі яго прыблізнае месцазнаходжанне, паведамляе прэс-служба МНС.
Падчас абследавання мясцовасці пешымі групамі ратавальнікі па слядах у снезе знайшлі мужчыну. Яго эвакуявалі на снегаходзе да дарогі і перадалі брыгадзе хуткай медыцынскай дапамогі.