Найхаладней гэтай ноччу было ў Верхнядзвінску
Там было мінус 11,9°С, у Езярышчы было мінус 11,3°С, паведамляе Белгідрамет, які ўлічвае мінімальныя тэмпературы ў перыяд з 21:00 да 09:00 раніцы.
У Мінску ноччу было мінус 6,7°С.
Што праўда, сёння раніцай стала яшчэ халадней. Так, у Верхнядзвінску па стане на 10:20 раніцы было ўжо мінус 13,4°С
У наступныя дні можа пахаладаць да мінус 30°С.
Пакуль жа самая халодная ноч гэтай зімы была 14 студзеня. На метэастанцыі Вялікі Межнік, што ў Шклоўскім раёне, было мінус 29,7°С.
Потым некалькі начэй самым халодным рэгіёнам быў арэал Клічаў — Бабруйск, дзе было да мінус 27°С.