З Гомеля ў Кракаў пусцяць аўтобус, ён паедзе праз Магілёў
Маршрут складзе 1200 кіламетраў.
З 10 лютага беларусам будзе даступны яшчэ адзін аўтобусны маршрут у Польшчу, расказаў старшыня Гомельскага гарвыканкама Уладзімір Прывалаў.
Гэта адзіны рэйс, які злучае беларускія гарады з Кракавам. Яго даўжыня — каля 1200 км. Ён будзе ісці праз Магілёў, Брэст і Варшаву (Заходняя).
«Адпраўленне з аўтавакзала «Гомель» а 7:10 і прыбыццё на канчатковы пункт а 01:30 па мясцовым часе.
Аўтобусы будуць курсіраваць тры разы на тыдзень. Кошт білета з Гомеля да Кракава складзе 220 рублёў.
Дарэчы, цяпер чэргаў з легкавых аўтамабіляў і аўтобусаў на беларуска-польскай мяжы няма.