Беларуска ела бабруйскі зефір і знайшла ў ім кавалачкі дрэва
Зефір быў выраблены на бабруйскай кандытарскай фабрыцы «Чырвоны харчавік». Жанчына напісала ў Threads, што ёй пашчасціла не даць гэты зефір дзіцяці, і заклікала іншых быць уважлівымі падчас ежы.
Фота: threads.com/@_b.veta_
Прадпрыемства аператыўна адрэагавала на гэту скаргу, папрасіла прабачэння і патлумачыла сітуацыю.
Фота: threads.com/@_b.veta_
На фабрыцы паведамілі, што пасля вырабу зефір некаторы час вытрымліваецца на экалагічных сасновых дошках — гэта даўняя тэхналогія, якую выкарыстоўваюць дзеля захавання натуральнага смаку і водару прадукцыі. Пластык і іншыя матэрыялы пры гэтым не выкарыстоўваюцца.
Вытворца прызнаў, што, нягледзячы на строгі кантроль якасці, з-за такой асаблівасці вытворчага працэсу ў вельмі рэдкіх выпадках, але ў зефір усё ж могуць трапіць часцінкі пабочных матэрыялаў.
Чытайце таксама:
Наведвальнікі выставы абгрызлі зефірны торт-экспанат. Белдзяржхарчпрам папрасіў так не рабіць
У Бабруйску сталі выпускаць зефір са смакам рому
«Бела-Кола» выпусціла навагоднюю газіроўку са смакам зефіру ў шакаладзе