Памёр IT-бізнэсмен і паэт Валерый Ягораў
Яго кампанія «Сакрамент IT» была сярод першых рэзідэнтаў Парка высокіх тэхналогій, а сам Ягораў публікаваў вершы ў «Дзеяслове».
Валерый Ягораў. Фота nastgaz.by
У ноч на 14 студзеня 2026 года памёр бізнэсмен Валерый Ягораў. Ён узначальваў кампанію «Сакрамент IT», якая спецыялізавалася на распрацоўцы сістэм распазвання розных моваў. Таксама выпускаліся мультымедыйныя школьныя падручнікі.
Калі ў 2006 годзе ў Парк высокіх тэхналогій прымалі першых рэзідэнтаў, то ў ліку чатырох бізнэсаў быў і «Сакрамент IT» (разам, напрыклад, з ЕПАМ).
Таксама Ягораў займаўся будаўнічым бізнэсам.
Ягораў — аўтар беларускамоўных вершаў, яны публікавалася ў «Дзеяслове».
Яго жонка Людміла Паўлікава-Хейдарава — паэтка, аўтарка шматлікіх зборнікаў вершаў.