Судовага эксперта арыштавалі за данаты і «здраду дзяржаве»
Профіль Юрыя Васілеўскага — судовая будаўніча-тэхнічная экспертыза.
Юрый Васілеўскі. Фота з сайта БНТУ
Юрый Васілеўскі скончыў Беларускі нацыянальны тэхнічны ўніверсітэт. Працаваў у БНТУ спачатку як асістэнт кафедры, а пасля як выкладчык і старшы выкладчык кафедры электразабеспячэння. Ён аўтар шэрагу навуковых артыкулаў і метадычных дапаможнікаў.
З 2017 года Васілеўскі уключаны ў Рэестр судовых экспертаў. Яго профіль — судовая будаўніча-тэхнічная экспертыза. Там жа названыя месцы працы Юрыя — «Эксперт Максімум», а таксама «ПравітЭксперт» і БНТУ як працы па сумяшчальніцтве.
Пасля арышту Васілеўскага ўтрымлівалі ў СІЗА КДБ. Яго абвінавачвалі ў данатах і здрадзе дзяржаве.
Чым скончылася яго крымінальная справа, пакуль невядома.
Чытайце таксама:
Былога памежніка судзяць за «здраду дзяржаве». Пагражае да 15 гадоў
Бізнэсоўца з Гомеля судзяць па абвінавачанні ў здрадзе дзяржаве і абразе Лукашэнкі
Рабочага з Мікашэвічаў асудзілі па чатырох палітычных артыкулах і назвалі «тэрарыстам»