На беларускай чыгунцы зламаўся чарговы цягнік

13 студзеня Беларуская чыгунка паведаміла пра чарговую паломку пасажырскага цягніка, у выніку чаго ён спазніўся на 1 гадзіну 10 хвілін. У кампаніі не ўдакладнілі падрабязнасці, абмежаваўшыся агульным формулёўкай «тэхнічныя прычыны».

Здымак ілюстрацыйны. Фота: «Наша Ніва»

Гаворка ідзе пра цягнік №6661, які курсіруе паміж Полацкам і Бiгосавам: адпраўленне з Полацка — 9:46, прыбыццё на станцыю Бiгосава — 11:23. Беларуская чыгунка абяцала прыняць «аператыўныя меры» для скарачэння часу затрымкі і папрасіла прабачэння ў пасажыраў.

Апошнім часам БЧ нярэдка паведамляе пра затрымкі цягнікоў. Напрыклад, 9 студзеня прычынай была непагадзь — снежны цыклон «Улі». У іншыя ж дні затрымкі былі звязаныя з тэхнічнымі праблемамі:

• 7 студзеня спыніўся цягнік №51 Санкт-Пецярбург — Брэст;
• у канцы кастрычніка 2025 года ўзніклі праблемы ў цягніка №636 Брэст — Мінск;
• у сярэдзіне кастрычніка затрымаўся цягнік №302 «Адлер — Мінск».

Раней з гарадскіх ліній знялі сучасныя цягнікі Stadler.

Каментары да артыкула