У Беларусі выпушчаны 150‑тысячны аўтамабіль Belgee
Завод «БелДжы» на пачатку года выпусціў 150‑тысячны аўтамабіль пад брэндам BelGee, паведамляе сайт прадпрыемства.
Фота: belgee.by
Юбілейным экзэмплярам стаў красовер Belgee X70.
Зараз вытворчая магутнасць прадпрыемства вырасла з 60 000 да 120 000 аўтамабіляў на год. «Асаблівая ўвага была нададзена ўкараненню інавацыйных тэхналогій, якія забяспечылі павышэнне вытворчай эфектыўнасці і экалагічнай бяспекі. Адной з ключавых змен стаў пераход да поўнай рабатызацыі складаных тэхналагічных працэсаў», — паведамляе прадпрыемства.
Зараз выпускаюцца B-Suv Belgee X50, універсальны сярэднепамерны красовер Belgee X70, кампактны седан Belgee S50, а таксама гібрыд Belgee X80 PHEV.