У віцебскім шматпавярховіку прасела столь
8 студзеня ў 12:28 у МНС паступіла інфармацыя пра тое, што ў адной з кватэр жылога дома на праспекце Перамогі адбылося прасяданне міжпаверхавай пліты.
Скрыншот з відэа
Пасля прыбыцця на месца высветлілася, што ў кватэры на першым паверсе дзевяціпавярховага дома прасела жалезабетоннае перакрыцце столі памерам 1,5 на 6 метраў.
На час праверкі стану будаўнічых канструкцый супрацоўнікі МНС эвакуявалі з пад’езда 34 чалавекі, у тым ліку чатырох дзяцей. Пацярпелых няма.
Прычыны здарэння высвятляюцца. Для ліквідацыі наступстваў было задзейнічана шэсць адзінак тэхнікі.