У Жодзіне панажоўшчына скончылася забойствам
Святкаванне Новага года ў горадзе скончылася трагедыяй, пішуць «Жодзінскія навіны».
2 студзеня двое мужчын — 62 і 47 гадоў — выпіваліі ў адным з прыватных дамоў. У нейкі момант паміж імі ўзнікла сварка.
Старэйшы мужчына схапіўся за нож і нанёс свайму знаёмаму не менш за два ўдары ў грудзі.
Уратаваць пацярпелага не ўдалося — ад атрыманых раненняў ён памёр на месцы. Абвінавачаны затрыманы.
Заведзена крымінальная справа.