45‑гадовы кіроўца страціў прытомнасць за стырном і ўехаў у пяць машын у Мінску
Здарылася гэта каля Нацыянальнай бібліятэкі.
Фота: ДАІ Мінска
У суботу днём 45‑гадовы кіроўца Belgee ехаў па паркоўцы Нацыянальнай бібліятэкі, калі страціў прытомнасць за стырном. Ён наехаў на пяць аўтамабіляў, якія стаялі там, — Tesla, Ford, Volkswagen, Peugeot і Renault.
Кіроўца Belgee памёр на месцы здарэння, паведамляе ДАІ Мінска.
На месцы аварыі працуюць супрацоўнікі ДАІ і следча-аператыўная група.