У Мінску раптоўна загарэлася машына
31 снежня ўвечары каля дома №21 на вуліцы Гарэцкага ў Мінску загарэўся легкавы аўтамабіль маркі Renault.
Паведамляецца, што машына раптоўна ўспыхнула падчас руху. 46‑гадовы кіроўца своечасова выйшаў з аўтамабіля.
Надзвычайную сітуацыю ліквідавалі супрацоўнікі МНС, якія аператыўна прыбылі на месца здарэння. Прычыны і абставіны ўзгарання цяпер высвятляюцца.
У выніку інцыдэнту ніхто не пацярпеў. Паводле наяўнай інфармацыі, гэты аўтамабіль не меў дазволу на ўдзел у дарожным руху.