У баранавіцкай дзяўчыны скралі віртуальнае сэрцайка ў тэлеграме. Яна пайшла ў міліцыю
У аператыўна-дзяжурную службу Баранавіцкага ГАУС звярнулася 17‑гадовая жыхарка горада. Дзяўчына паведаміла, што з яе акаўнта ў Telegram знік набыты раней NFT-падарунак, за які яна заплаціла 14 рублёў.
У міліцыі высветлілі, што за некалькі дзён да інцыдэнту дзяўчына пераходзіла ў Telegram па розных спасылках. Праз нейкі час невядомая асоба атрымала несанкцыянаваны доступ да яе старонкі і завалодала віртуальным падарункам.
Па гэтым факце распачалі крымінальную справу паводле ч. 1 арт. 349 Крымінальнага кодэкса Рэспублікі Беларусь — «Несанкцыянаваны доступ да камп’ютарнай інфармацыі».
Чытайце таксама:
Махляры прымусілі мінчука прадаць машыну: падрабязнасці аферы
Мужчына забраў у знаёмага картку і 20 разоў схадзіў з ёй у краму