Дзяўчынцы з Камянеччыны зрабілі падарунак ад Баранавічаў
Кіраўнік Баранавічаў выканаў жаданне дзяўчынкі з Высокага і падарыў ёй шпіца.
Старшыня Баранавіцкага гарвыканкама Максім Антанюк здзейсніў мару юнай жыхаркі горада Высокае. Аляксандра Катоўская марыла пра сабаку, і цяпер у яе з'явіўся шпіц, якога дзяўчынка назвала Лолачкай.
Антанюк сказаў, што гэта падарунак «ад Баранавічаў».
Дзяўчынка трапіла ў лік 50 навучэнцаў Брэсцкай вобласці, чые жаданні павесілі на ялінку ў рамках рэспубліканскай акцыі «Ялінка жаданняў». Жаданні дзяцей розныя: ад канкрэтных падарункаў да сустрэч з цікавымі людзьмі.