У Гомелі жанчына пасварылася з мужам і кінулася пад цягнік
Выпадак адбыўся 22 снежня каля 18:20 на чыгунцы ў раёне вуліцы Маневіча.
Прычынай учынку 41‑гадовай гамяльчанкі стала сварка з мужам, паведамляе belkagomel.by.
Жанчына падышла да пешаходнага пераходу, дзе працавала светлавая і гукавая сігналізацыя, і кінулася пад грузавы цягнік.
Жанчына выжыла, але атрымала цяжкія траўмы і была шпіталізаваная з дыягназам «траўматычная ампутацыя абедзвюх галёнак».